Bokal-elkarketak beratarren hizkeran

Laburpena

Aldaera estandarraren eta dialektoen arteko bateratze-joerak lantzeko asmoarekin, Berako hizkeran bokal irekien aurrean bokalen jokaeren azterketan oinarritu naiz. Abiapuntua hipotesi bat izan da: jende adinduengan Berako hizkeran ohikoak diren arau morfofonologikoei dagozkien bokal-egokitzapenak galduz doazela jende gazteengan. Bi ezaugarriok galduz doazela ondorioztatzen da. Oraindik ere bokal irekien aurrean beste bokal irekiak ixtea nagusi bada ere, gero eta gutxiago egiten da disimilazio hori; epentesiaren erabilera, aldiz, adinekoengan baino ez da mantentzen, jada epentesirik ez tartekatzea nagusitu baita.