Zôon andro-ginos: Gizabere arra eta emea, politikan berdin?

Laburpena

Artikulu honetan emakumeek eta gizonek politikan duten parte-hartze ezberdinaren gaia jorratzen da. Hasieran, gaur egungo antropologia feministak proposatzen duen eredu teoriko bat aurkezten da zeinak parada ematen duen genero-sistema ezberdinetan emakumeen eta gizonen arteko botere-asimetria aztertzeko. Ondoren, Ilustrazioan sortu ziren hainbat gogoeta eta ideia azalduko dira. Hirugarrenez, politikagintza eta parte-hartzearen ezberdintasunaren inguruko zenbait datu aipatuko dira, horien arrazoiak aztertuz. Amaitzeko, Gizabere arra eta emea politikagintzan berdin ez aritzeko oztopo politiko eta kulturalak landuko dira, euskal kulturari buruzko zenbait hausnarketa ere sartuz.