Emakumezkoak soldatan diskriminatuak ez izateko eskubidea

Laburpena

Nahiz eta Espainian azken urte hauetan emakumezkoen lan-iharduera tasa etengabe handituz joan den, oraindik oso urrun dago horien eta gizonezkoen arteko berdintasuna lan arloan; langabezi tasak eta alokairuei buruzko datu ofizialak ikusi besterik ez dago.

Hurrengo orrialdeetan lan-esparruan gertatutako gizon eta emakumezkoen arteko desberdintasunei dagozkien gertuko datu batzuk ikusi ondoren, Lan-Zuzenbideak arazo honi historian zehar emandako erantzuna laburki aztertzen dugu. Beraz, lehendabizi 1900.eko martxoaren 13ko Legean hasita Iragaketa Politikoaren garaiko 1976.eko apirilaren 8ko 16. Legea arte, II. Errepublika eta frankismo-garaiko arauditik pasatuz, emakumezkoen lanaren erregulazio historikoaren ezaugarriak eta bilakaera aztertuko dira. Bukatzeko, ordainketan diskriminazio sexualaren kontrako indarreango araudia dugu aztergai, Espainiako Parlamentuan eratu dena eta Europako Elkarteko Zuzenbidean eratu dena bereiztuz.