Euskal nazionalismoari buruzko ikerketa ideologikoak

Laburpena

Euskal nazionalismoa eta ideologia uztartu nahi dituen gogoeta hau lau zatitan banatuko dut. Lendabizikoan, euskal nazionalismoari buruz egin izan diren zenbait azterketen abiapuntua arakatzen da adibide batzu erabiliz. Bigarrenean, ideologia kontzeptua bera aztergai jarri eta honen birdefinizio hurbilago bat proposatzen da. Hirugarren eta laugarren ataletan, azkenik haren barneraketa nola gertatzen den aztertzearekin batera ideologiak gizakiengan betetzen duen eginkizuna ikertu nahi izango da. Era honetaz, ideologiaren ikuspuntu honen ildotik, tresna erabilgarri bilakatuz, euskal nazionalismora modu eraberritu batez hurbildu ahal izango gara. Egileen historia bere protagonisten eskutik, hain zuzen ere.