Giza Larruazaleko Mikrobiota: Azal Mikrobiotaren Dinamika Eguzki Irradiaziopean

Laburpena

Larruazaleko mikrobiotak, bakterioek, onddoek, arkeek eta birusek osatua, berebiziko garrantzia du larruazalaren osasunean eta defentsa immunitarioan. Azterketa honek protokolo metagenomikoak optimizatzen ditu DNA mikrobiarra azaletik erauzteko, eta eguzki-erradiazio ultramorepean (UVR) larruazaleko mikrobiotaren dinamika aztertzeko. DNA erauzteko kit komertzialak eta belaunaldi berriko sekuentziazio-teknikak erabili ziren, larruazalean, urtaro eta azaleko eremuen arabera mikrobiotaren konposizioa ebaluatzeko. Emaitzek erakusten dute UVRak eragin nabarmena duela mikrobiotaaniztasunean eguzkitan denbora luzez egoten den aldietan. Burkholderiaceae familian, Macrococcus generoan eta Bacillus generoaren ugaritasunean ezberdintasunak ikusi ziren UVRren eraginpean dauden eremuetan. Zenbait mekanismo proposatzen dira, hala nola konposatu foto-babesleen ekoizpena,entzima babesleen sintesia eta modulazio immunitarioa, genero horien prebalentzia azaltzeko. Aurkikuntza horiek larruazaleko mikrobiotak UVRaren aurkako babesean duen garrantzia azpimarratzen dute, baita tratamendu dermatologikoetan eta medikuntza pertsonalizatuko tratamenduetan aplikatzeko potentziala ere