Hizkuntzaren asaldurak. Nola maneiatu pediatriako kontsultatik?

Laburpena

Lan honen helburua lehen arretan jarduten duten pediatrei Hizkuntzaren Garapenaren Nahastea (HGN) antzemateko eta artatzeko oinarrizko gako eta jarraibideak helaraztea da. Horretarako, lehenik eta behin, hizkuntzaren atal desberdinak azalduko ditugu. Ondoren, hizkuntzaren garapen atipikoari buruz arituko gara, honek HGN-rekin duen lotura ulertzea komeni baita. Azkenik, Hizkuntzaren Garapenaren Nahastean sakonduko dugu: zer den, zer baliabide dauden pediatra bezala berau detektatzeko eta, azkenik, zein erantzun eman daitekeen testuinguru honetatik.